??? ???????

Post Top Ad

Your Ad Spot

ہفتہ، 10 اکتوبر، 2015

کبھی اُن کا نام لینا، کبھی اُن کی بات کرنا



کبھی اُن کا نام لینا، کبھی اُن کی بات کرنا !!
میرا ذوق اُن کی چاہت، میرا شوق اُن پہ مرنا !!

وہ کسی کی جھیل آنکھیں، وہ میری جُنوں مِزاجی ۔۔۔
کبھی ڈُوبنا اُبھر کر، کبھی ڈُوب کر اُبھرنا !!


تِیرے منچلوں کا جگ میں یہ عجب چلن رہا ہے ۔۔۔۔۔۔
نہ کِسی کی بات سُننا نہ کِسی سے بات کرنا !!!

شبِ غم نہ پُوچھ کیسے تِیرے مُبتلا پہ گُزری ۔۔۔۔۔
کبھی آہ بھر کے گِرنا، کبھی گِر کے آہ بھرنا !!!

وہ تِیری گلی کے تیور، وہ نظر نظر پہ پہرے !!!
وہ مِیرا کِسی بہانے تُجھے دیکھتے گُزرنا !!!

کہاں میرے دِل کی حسرت کہاں میری نارسائی ۔۔۔۔۔
کہاں تیرے گیسوؤں کا تِیرے دوش پر بِکھرنا !!!

چلے لاکھ چال دُنیا ہو زمانہ لاکھ دُشمن !!!
جو تِیری پناہ میں ہو اُسے کیا کِسی سے ڈرنا !!!

وہ کریں گے ناخُدائی تو لگے گی پار کشتی !!
ہے "نصیر" ورنہ مُشکل تِیرا پار یوں اُترنا !!!

کوئی تبصرے نہیں:

ایک تبصرہ شائع کریں

Post Top Ad

Your Ad Spot

???????